കുസാറ്റ് കാറ്റ്: മാര്‍ച്ച് 25 വരെ അപേക്ഷിക്കാം

കൊച്ചി ശാസ്ത്ര സാങ്കേതിക സര്‍വകലാശാല (കുസാറ്റ്) യിലെ ബി.ടെക്., ഇന്റഗ്രേറ്റഡ് എം.എസ്‌സി., ബി.ബി.എ./ബി.കോം. എല്‍എല്‍.ബി., ബി.വൊക്., ബി.ടെക്. ലാറ്ററല്‍ എന്‍ട്രി, ത്രിവത്സര എല്‍എല്‍.ബി., എം.ടെക്. ഒഴികെയുള്ള മാസ്റ്റേഴ്‌സ് പ്രോഗ്രാം (വിവിധ വിഷയങ്ങളിലെ എം.എസ്‌സി., എം.എ., എം.സി.എ., എം.ബി.എ., എം.ബി.ഇ., എം.എഫ്.എസ്‌സി., എം.വൊക്.) എന്നിവയിലെ പ്രവേശനത്തിനുള്ള 2022ലെ കോമണ്‍ അഡ്മിഷന്‍ ടെസ്റ്റി (കാറ്റ്)ന് അപേക്ഷിക്കാനുള്ള തീയതി മാര്‍ച്ച് 25 വരെ നീട്ടി.

ലേറ്റ്ഫീ അടച്ച് മാര്‍ച്ച് 31 വരെയും അപേക്ഷിക്കാം.

എം.ബി.എ. പ്രവേശനത്തിന് ഐ.ഐ.എം. കാറ്റ്/സിമാറ്റ്/കെമാറ്റ് സ്‌കോര്‍ നിര്‍ബന്ധമാണ്. എം.ടെക്. പ്രോഗ്രാമുകള്‍ക്കുള്ള ഓണ്‍ലൈന്‍ രജിസ്‌ട്രേഷന്‍ ഏപ്രില്‍ 21 വരെ നടത്താം.